Að lenda í tjóni

Nokkur atriði sem gæta þarf að ef lent er í tjóni

Fylla skal út tjónstilkynningu eins vel og hægt er með mótaðila, strax á staðnum ef þess er kostur, báðir aðilar kvitta undir. ( ath framhliðar tjónstilkynninga þurfa að vera eins hjá tjónsaðilum, bakhliðar tjónstilkynninga fylla síðan hver aðili fyrir sig.)
Hver aðili skilar eintaki af tjónstilkynningu sem fyrst til síns tryggingarfélags.
Ef lögreglan kom á vettvang sendir hún skýrslu sína beint til viðkomandi félaga.
Hægt er að láta meta tjón á ökutækjum á Cabas verkstæði sem hefur samning við tryggingarfélag tjónvalds (sjá lista um Cabas verkstæði) . Það verkstæði sem valið er kemur upplýsingum um tjónið til viðkomandi tryggingarfélags og aðstoðar tjónþola við næstu skref, ef td þarf að útvega bílaleigubíl á meðan viðgerð er framkvæmd, ath að ekki er sjálfgefið að um slíkt sé að ræða í öllum tilvikum.
Niðurstaða um bótaskyldu og samþykki tryggingarfélags tjónvalds fyrir viðgerðaráætlun verkstæðissins þarf að liggja fyrir áður en viðgerð er framkvæmd.